తిన్నది అరక్క ఆసుపత్రుల చుట్టూ తిరిగెనొకడు
వున్ననాడు అస్తు, లేనినాడు పస్తు అంటాడింకొక్కడు
చెట్టైనా పుట్టయినా గుడిసె ఆరుబైటయినా
గురుతు రాక గుర్రుపెట్టి పండుతాడొకడు
రేపేంటో మాపేంటో పిల్లా జల్లా బ్రతుకేంటోనని
అర్ధ నిద్రతో అరుగుమీద ఇంకొకడు
దొంగొస్తాడో దొరొస్తాడో దాచిందంతా దోచుకెళ్తారని
నిద్రపోక నీడని చూసికూడా భయపతాడింకొక్కడు
ఏమీ జీవితమయ్యా.. మానవ జీవితం
వున్నోనంటాడొకడు, లేనోన్నంటాడొకడు
వుండీ లేక వున్నానంటాడింకొక్కడు ...
ఛీ! దీనెమ్మా జీవితం...
యిదే.. "మనీ"షి జీవితం
