నా దృష్టిలో రైతే.. దేవుడు
పుడమిలోని మట్టికి గురువు
అతని చేతిలో గడ్డి.. గులాబీలౌతుంది
మట్టి.. మాణిక్యాలనిస్తుంది
అతనిని చూసిన చాలు,
చేలు.. తరంగాలౌతాయి.
తాను గుక్కెడు నీళ్లు తాగకపోయినా
నెర్రెలు నడుమ చస్తున్న తమకు నీళ్లు పోసాడని కాబోలు.
పశువులు.. పరవశించి పోతాయి
శిశువుల్ని, స్నేహితుల్ని తమలో చూసుకుంటూ...
బదులు రాదని తెలిసినా తన భావాలు పంచుకున్నాడని అనుకుంటా...
చచ్చిపోతున్న చేనుల తడి ,
బ్రతికున్న పశువుల నాడి తెలిసిన
నీకన్నా పెద్ద దేవుడు ఎవరు స్వామీ...!
నిష్ట (గోపి బుడుమూరు)
No comments:
Post a Comment