***పాల పీక***

ఆత్మలో ఘన చరితలు నింపిన 
కన్న భూమిని తలచుకుంటూ... 
అసువులు బాసినా... నైతికమే. 
 పరాయి గోడు విని.. పరాయి కూడు తిని.. 
నీ చెమటలను, చల్లని యాంత్రిక వింధ్యామర కు వదిలి..  
అచ్చమైన స్వచ్చమైన నీ దేశపు పైరగాలి ని గాలికి వదిలి... 
నువ్వు చేసిన సేవ ఫలితంగా  వచ్చిన ఆర్ధిక శోభను,  
నీ రూపంలో మన దేశం నుండి అరువు తెచ్చుకొన్న 
వారి భుజాలను "శభాష్" అంటూ చరిచి ... 
భారత మాత చనుబాలను తాగి..  
పర దేశపు 'పాల పీక' ను కొనియాడుట.. 
న్యాయమా.. ప్రవాసాంధ్రుడా.. 

                              --- నిష్ట (గోపి బుడుమూరు)