..... దర్శనం.......

జీవితంలో ఒక్క క్షణం ఆగిందంటే
అది నిన్ను చూసిన తరుణమే
గుండె దడ అమాంతం పెరిగి
అలా నిలిచిపోయిందంటే నమ్ముతావా
నన్ను నేను మరచిపోయిన ఆ నిమిషం
నా కన్నులకు నీ పైనే ధ్యాస
నువ్వు ఎటు తిరిగితే అటువైపే చూపులు
నీ ప్రతి భంగిమను తనలో ఇముడ్చుకునేందుకు
పడే తాపత్రయం నా మనసుకు తెలుస్తుంది
కానీ, ఏంచేయను ఎక్కడినుంచి వచ్చావో..
మెరుపులా మెరిసి మాయమైపోయావు
నీ వలపుల తలపులు నా మదిని తొలుస్తుంటే
ఆ జ్ఞాపకాలతోనే.. ఎదురు చూస్తున్నా...
మళ్ళీ ఎప్పుడైనా, ఎక్కడైనా.. దర్శనమిస్తావేమోనని. 

                                                                             ..... నిష్ఠ