**** ప్రేమ పాఠం ****

 మన జీవితాల్లో సూర్యోదయం కావాలని 

నిద్రలేని రాత్రులు గడిపాను 

నా మనసున ప్రతి పొరపై నీ రూపం గీసుకున్నాను 

ఈ రోజు నిశ్శబ్ధం మాత్రమే నాకు తోడైంది 

నీ చిరునవ్వే నా లోకమనుకున్నా 

ఆ  నవ్వులు వేరొకరి సొంతమని తెలియక

గడిచిన క్షణాలు వెన్నెలగా భావించాను 

ఇంతటి వేదన జ్వాలల్ని రగిలిస్తాయని అనుకోక  

ఓ తరం మారింది, ఆ కల అలానే మిగిలింది 

ఆ ప్రేమ సాగరం చిక్కకపోయినా

ఆ గాలి పరిమళం నా ఊపిరిలో మిగిలింది 

నువ్వు నన్ను వదిలి పోయింది నిజమే 

కానీ, నువ్వు నేర్పిన పాఠం మరువలేనిది

విఫలమైన నా ప్రేమను నేను ఓటమిగా చూడను 

ఇకపై  నీకోసం ఆలోచించే ప్రతి క్షణం.. 

నా ఎదుగుదల కోసమే ఆలోచిస్తాను 

మన ప్రేమ ముగిసిన తర్వాతే... 

నా జీవితపు అసలైన కథ మొదలైంది

నన్ను ఉన్నత శిఖరాన వుంచింది ... :-)

                                                                       -- నిష్ఠ (గోపి బుడుమూరు )